बस र जिप आपसमा ठोक्किदा जिप चालकको मृत्यु
दमौली । पृथ्वीराजमार्गअन्तर्गत तनहुँको म्याग्दे गाउँपालिका–१ तल्लो गुणादीमा आइतबार बिहान भएको सवारी दुर्घटनामा एक जनाको मृत्यु भएको छ ।
मुग्लिङबाट पोखरातर्फ गइरहेको लु१च ७०४१ नम्बरको बोलेरो जिप र विपरीत दिशाबाट आइरहेको ग१ख ४०२२ नम्बरको बस एकापसमा ठोक्किँदा जिप चालकको मृत्यु भएको हो ।
मृत्यु हुनेमा नवलपरासी सरावल गाउँपालिका–१ का २१ वर्षीय रमेश थारू रहेका प्रहरीले जानकारी दिएको छ । तीव्रगतिमा आएका दुई सवारी घुम्तीमा ठक्कर खाँदा दुर्घटना भएको प्रहरीले जनाएको छ । केरा बोकेर आउँदै गरेको जिप बसको ठक्करबाट पूर्णरूपमा क्षति भएको छ । बस चालक र बस प्रहरी नियन्त्रणमा छन् ।