उदयपुरमा आमा छोरीको धारिलो हतियार प्रहार गरी हत्या
उदयपुर । उदयरपुरको त्रियुगा नागरपालिका–९ चौकीबारीमा शुक्रबार राति आमा छोरीको हत्या भएको छ । प्रहरीका अनुसार चौकीबारीका स्थानीय ३२ वर्षीया सारदा चौधरी र उनीकी ९ वर्षकी छोरी रचना चौधरीको धारिलो हतियार प्रयोग गरेर हत्या भएको हो ।
शनिबार बिहानमात्रै चौधरीका छिमेकीले प्रहरीलाई खबर गरेपछि जिल्ला प्रहरी कार्यालयको टोली घटनास्थल पुगेको थियो । घटनाको अनुसन्धान जारी रहेको जिल्ला प्रहरी कार्यालय प्रमुख वीरबहादुर बुढामगरले जानकारी दिए ।
मृतकको श्रीमान वैदेशिक रोजगारीका क्रममा विदेशमा रहेका र हत्या गर्ने व्यक्ति अझै पत्ता नलागेकाले सुनसरीबाट तालीमप्राप्त कुकुर झिकाएर अनुसन्धान थालिएको प्रहरीले जनाएको छ ।
