एनआरएनए महासचिवमा डा. पौडेलको उम्मेद्वारी घोषणा



गैरआवासीय नेपाली संघ एनआरएनएको महासचिवमा डा केशव पौडेलले उम्मेदवारी दिने भएका छन्।

आगामी असोज २८ देखि ३० गतेसम्म काठमाडौंमा हुन लागेको आइसिसी सम्मेलनमा तनहुँका पौडेलले महासचिव पदमा उम्मेदवारी दिने घोषणा गरेका हुन्।

निर्वाचनमा भाग लिन बिहीबार नेपाल आएका डा पौडेलले त्रिभुवन अन्तर्राष्ट्रिय विमानस्थलमा सञ्चारकर्मीसँग कुरा गर्दै महासचिव पदमा उम्मेदवारी दिने घोषणा गरेका हुन्।

उनले आफ्नो अनुभवलाई आइसिसीमा लगानी गर्ने तथा सामाजिक योगदानको चाहनालाई साकार पार्न महासचिवमा उम्मेदवारी दिन लागेको बताए।

डा पौडेलले एनआरएनए विदेशमा बस्ने नेपालीको साझा संस्था भएकाले संस्थामार्फत विदेश र नेपालमा बस्ने नेपालीलाई आफूले सिकेको र जानेको कुराका माध्यमबाट सेवा र सहयोग गर्नका लागि उम्मेदवारी दिएको उल्लेख गरे।

उनले एनआरएनए अमेरिकामा विदेशी नागरिकताको माग, विभिन्न छात्रवृत्ति दिने काम, मातृभूमिमा विपत्तिमा परेका बेला आर्थिक तथा भौतिक सहयोग, अमेरिकाभर विभिन्न राज्यमा सामुदायिक भवन बनाउन सहयोग गरेकाले आफू महासचिवमा योग्य उम्मेदवार भएको बताए।

सन् २००५ मा उच्च शिक्षा अध्ययनका लागि अमेरिका पुगेका डा पौडेलले एनआरएनए अमेरिका शाखामा दुई कार्यकाल नेतृत्व गरिसकेका छन्।

तनहुँ व्यास नगरपालिका ९, सिस्नेरीमा जन्मिएका डा पौडेल सन् २०१४ देखि अमेरिकाको न्यूमेक्सिकोस्थित लवलेस मेडिकल सेन्टरको मेडिकल निर्देशकका रुपमा कार्यरत छन्।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
संसदमा दर्ता गाँजा खेती सम्बन्धि विधेयक पारित गर्न महाअभियानको माग

काठमाडौं । नेपाल गाँजा वैधानिक महाअभियानले चालु संसद अधिवेशनबाट संसदमा दर्ता गाँजा खेती

बलात्कारको आरोप लागेका सौन्दर्य प्रतियोगिताका आयोजक मनोज पाण्डे पक्राउ

काठमाडौं । सुन्दरी प्रतियोगिताका नाममा किशोरी बलात्कार गरेको आरोप लागेका मनोज पाण्डे पक्राउ

यौन हिंसा पीडित युवतीलाई न्याय माग्दै माइतीघरमा प्रदर्शन(फोटोफिचर)

काठमाडौं । आठ वर्षअघि बलात्कार गरेको घटना सामाजिक सञ्जालमार्फत् सार्वजनिक गरेकी एक युवतीलाई

सौन्दर्यको त्यो बजारमा क्रन्दन छ, चिच्याहट छ, जीवनको याचना छ

डा. प्रदीप ढकाल । सौन्दर्यता केमा हेर्ने ? शरीरको बनावटमा ? रंगमा ?