नवलपरासीमा ट्रकको ठक्करबाट कारमा सवार पाँच जनाको मृत्यु
नवलपरासी । पूर्वपश्चिम राजमार्गअन्तर्गत नवलपरासीका तीन स्थानमा भएका सवारी दुर्घटनामा परी छ जनाको मृत्यु भएको छ भने २० घाइते भएका छन् ।
प्रहरीका अनुसार गएराति कावासोती नगरपालिकाको खरकट्टा जङ्गलस्थित पूर्वपश्चिम राजमार्गमा लु१ख ८५३२ नम्बरको ट्रक र बा४१च ६४०९ नम्बरको कार एकापसमा ठोक्किँदा कारमा सवार पाँचको मृत्यु भएको छ ।
दुर्घटनामा गम्भीर घाइते भएका पाँचलाई उपचारका लागि भरतपुर अस्पतालमा पठाइएकामा अस्पतालले मृत भएको घोषणा गरेको प्रहरले जनाएको छ । मृतक पाँचै जनाकोे नाम ठेगाना अझै खुल्न सकेको छैन ।
यस्तै नवलपरासीको मध्यविन्दु नगरपालिका–१० स्थित जङ्गलमा राति १ः४५ बजेको समयमा दाङबाट काठमाडाँैका लागि छुटेको बस आफैँ अनियन्त्रित भई पल्टिँदा एक जनाको मृत्यु भएको छ भने कम्तीमा १५ घाइते भएका छन् । बस पल्टिँदा मकवानपुर घर भएका बसचालक ३५ वर्षीय लक्ष्मण तिमिल्सिनाको मृत्यु भएको छ ।
