बलिउड अभिनेता इरफान खानको निधन
काठमाडौं । बलिउड अभिनेता इरफान खानको बुधबार निधन भएको छ । बुधबार बिहान मुम्बईको कोकिला वेन धिरूभाइ अम्बानी अस्पतालमा ५४ वर्षको उमेरमा खानको निधन भएको हो ।
उनी क्यान्सरको उपचार गरिरहेका थिए । गत शनिबार मात्र उनकी आमाको ९५ वर्षमा निधन भएको थियो । जयपुर राजस्थानमा सन् १९६६ मा जन्मिएका खान थिएटरबाट सिनेमाबाट आएका थिए। इरफानले सलाम बम्बे, मकबुल, पान सिंह तोमर, द लन्चबक्स, हैदर, गुन्डे, पिकु लगायत फिल्ममा अभिनय गरेका छन् ।
