प्रधानसेनापति र श्रीलङ्काका राजदूतबीच भेट
काठमाडौँ । प्रधानसेनापति प्रभुराम शर्मा र नेपालका लागि श्रीलङ्काका राजदूत सुदर्शन पाथिरनाबीच जङ्गी अड्डामा शिष्टाचार भेट भएको छ । बिहीबार भएको भेटमा नेपाल–श्रीलङ्का सम्बन्धका विविध विषयमा छलफल भएको सैनिक जनसम्पर्क तथा सूचना निर्देशनालयले जनाएको छ ।
यस किसिमका भेटले दुई देशबीचको सम्बन्ध थप सुमधुर एवं प्रगाढ बनाउन मद्दत पुग्ने विश्वास नेपाली सेनाले लिएको निर्देशनालयले जारी गरेको विज्ञप्तिका जनाइएको छ ।
