उपरथीमा बढुवा भएका सिलवाल र तीन जना महासेनानीलाई दर्ज्यानी चिन्ह प्रदान
काठमाडौं । प्रधानसेनापति प्रभुराम शर्माले उपरथीमा बढुवा भएका सहायक रथी नारायण सिलवाल र प्रमुख सेनानीबाट महासेनानीमा बढुवा भएका तीनजनालाई सोमबार दर्ज्यानी चिन्ह लगाइदिएका छन् ।
सहायक रथी सिलवालको विशेष बढुवा भएको हो । उनी यही मंसिर १३ अनिवार्य अवकाश हुँदैछन् । महासेनानीमा बढुवा हुनेहरुमा सुरेन्द्र सापकोटा, दिग्विजय शाह र निरज पाण्डे रहेका छन् । यी तीनैजना सैनिक अधिकारीहरु एकवर्ष अघि बढुवा भएपनि विदेशमा रहेकाले हाल दर्ज्यानी चिन्ह लगाएका हुन् ।
तीनैजना शान्ति मिशनमा कार्यरत रहेका थिए । कार्यक्रममा बलाध्यक्ष रथी सिताराम खड्का, रथीवृन्द, अधिकृतहरुका साथै पदोन्नति भएका रथीवृन्द तथा अधिकृतहरूका परिवारजनको उपस्थिति थियो ।
