भक्तपुरमा पूर्वसुरक्षाकर्मी परिषद नेपालको कार्यालय उद्घाटन
भक्तपुर । भक्तपुरमा पूर्वसुरक्षाकर्मी परिषद् नेपालको सम्पर्क कार्यालय उद्घाटन गरिएको छ । परिषदका अध्यक्ष केवि राउतले एक कार्यक्रम गरी कार्यालयको उद्घाटन गरेका हुन् ।
सूर्यविनायक नगरपालिकामा बसोबास गर्दै आएका पूर्वसुरक्षाकर्मीहरुको जिल्ला सम्पर्क कार्यालय, सृजनानगरमा खोलिएको हो । भक्तपुरमा भएको बृहद् भेलाले अवकास प्राप्त प्रहरी नायब उपरीक्षक उद्धव कार्कीको अध्यक्षतामा १५ सदस्यीय पदाधिकारीहरु साथै ३ जना सल्लाहकार समेत चयन गरिएको छ ।
अवकास प्राप्त सेनानी सिताराम दाहालको सभापतित्वमा भएको कार्यक्रममा परिषद्का केन्द्रीय पदाधिकारी साथै अन्य विशिष्ट महानुभावहरुको उपस्थिति रहेको थियो।
