एआईजी पालद्वारा महानगरीय प्रहरी कार्यालयको प्रमुखको पदभार ग्रहण
काठमाडौं । महानगरीय प्रहरी कार्यालय रानीपोखरीको प्रमुखमा सरुवा भएका प्रहरी अतिरीक्त महानिरीक्षक (एआईजी) हरिबहादुर पाललाई बिहीबार एक कार्यक्रमबीच स्वागत गरिएको छ ।
कार्यालयबाट सरुवा भएका प्रहरी अतिरीक्त महानिरीक्षक विश्वराज पोखरेल लगायतका प्रहरी कर्मचारीहरूले उनको स्वागत गरेका थिए । मन्त्रिपरिषद्को मंसिर २५ को निर्णयअनुसार एआईजी पालको उक्त कार्यालयमा सरुवा भएको थियो ।
उनी यसअघि प्रहरी प्रधान कार्यालयस्थित कार्य एवं अपराध अनुसन्धान बिभागमा कार्यरत थिए । सोही कार्यक्रममा प्रहरी प्रधान कार्यालयस्थित कार्य एवं अपराध अनुसन्धान बिभागमा सरूवा भई जान लागेका एआईजी पोखरेललाई कार्यालयको तर्फबाट कार्यालय प्रमुख पालले मायाको चिनो प्रदान गरी विदाई गरेका थिए ।
कार्यक्रममा महानगरीय प्रहरी कार्यालयका प्रत्यक्ष मातहतका कार्यालय प्रमुखहरू, सिनियर प्रहरी अधिकृत तथा अन्य प्रहरी कार्मचारीहरु उपस्थित थिए ।
