सशस्त्र प्रहरीका ९ जना बाहिनीपतिको सरुवा



काठमाडौं । सशस्त्र प्रहरी बल नेपालका उपत्यका र विभिन्न जिल्लाका बाहिनीपतिको सरुवा गरिएको छ । बिहीबारको गृहमन्त्रीस्तरीय निर्णयानुसार ९ सशस्त्र प्रहरी वरिष्ठ अधिकृतलाई बाहिनीपतिका रुपमा काज सरुवा गरिएको सशस्त्र प्रहरी बल नेपालले शुक्रबार सूचना जारी गरी जनाएको छ ।

सशस्त्र प्रहरी बल नेपाल प्रधान कार्यालयको कार्य तथा सीमा सुरक्षा विभागमा रहनुभएका सशस्त्र प्रहरी नायब महानिरीक्षक तथा प्रवक्ता राजु अर्याललाई सशस्त्र प्रहरी बल नेपाल नम्बर ९ पशुपतिनाथ बाहिनी मुख्यालय खटाइएको छ ।

यस्तै सशस्त्र प्रहरीको मानव स्रोत विभागका सशस्त्र प्रहरी नायब महानिरीक्षक नारायणदत्त पौडेललाई नम्बर ४ मुक्तिनाथ बाहिनी मुख्यालय कास्की, सप्रनाम चन्द्रप्रकाश गौतमलाई कार्य तथा सीमा सुरक्षा विभागबाट नम्बर २ छिन्नामस्ता बाहिनी मुख्यालय महोत्तरी पठाइएको छ ।

सशस्त्र प्रहरी नायब महाहनिरीक्षक कृष्णभक्त बज्राचार्यलाई छिन्नामस्ता बाहिनी मुख्यालय महोत्तरीबाट सशस्त्र प्रहरी बल नेपाल प्रधान कार्यालय कार्य तथा सीमा सुरक्षा विभाग र नम्बर ७ बैद्यनाथ बाहिनी मुख्यालय कैलालीका हरिशङ्कर बुढाथोकीलाई पनि कार्य तथा सीमा सुरक्षा विभागमा सरुवा गरिएको छ ।

यस्तै सप्रनाम हरिश्चन्द्र अधिकारीलाई नम्बर ६ महेश्वरी बाहिनी मुख्यालय सुर्खेतबाट मानव स्रोत विभागमा र सशस्त्र प्रहरी वरिष्ठ उपरीक्षक अभिकुमार खत्रीलाई नं. ९ पशुपतिनाथ बाहिनी मुख्यालय काठमाडौँबाट नम्बर ६ महेश्वरी बाहिनी मुख्यालय सुर्खेतमा निमित्त बाहिनीपतिका रुपमा सरुवा गरिएको सशस्त्र प्रहरीका प्रवक्ता राजु अर्यालले जानकारी दिए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
२८ जना प्रहरी निरीक्षकका लागि सशस्त्र प्रहरीद्वारा दरखास्त आह्वान

काठमाडौं । सशस्त्र प्रहरी बलले २८ जना प्रहरी निरीक्षकका लागि दरखास्त आह्वान गरेको

नेपाली सेनाले यसरी मनायो टुँडिखेलमा सैनिक दिवस(फोटोफिचर)

काठमाडौं । नेपाली सेनाले २६२औँ स्थापना दिवस तथा शिवरात्रि विशेष कार्यक्रम गरी मनाएको

सेना पनि गुटगत राजनीतिमा लागेको भए यो देशको अस्तित्व रहन्थ्यो त ?

-प्रा डा तीर्थप्रसाद मिश्र नेपाल विविध विशेषतायुक्त गौरवमय गाथा भएको र आफ्नै विशेष

काठमाडौंमा भारतीय सेनाका पूर्वस्थल सेनाध्यक्षको लावालस्कर

काठमाडौँ । नेपाली सेनाको निमन्त्रणामा महाशिवरात्रि तथा नेपाली सेना स्थापनाको २६२औँ वार्षिकोत्सवको अवसरमा