अमेरिकी दूतावासद्वारा नेपाली सेनालाई १० थान र्याफ्ट प्रदान
काठमाडौं । अमेरिका र नेपालले विगत लामो समयदेखि नेपालमा मानवीय सहायता र विपद् व्यवस्थापन तयारीका लागि रक्षा र सुरक्षा निकायहरूबिच निरन्तर सफलतापूर्वक सहकार्य गर्दै आइरहेका छन् ।
यो हप्ता त्यही सहकार्यको निरन्तरतास्वरूप अमेरिकी दूतावासको डिफेन्स टिमका अधिकारीहरूले उद्दार तथा खोजी कार्यमा प्रयोग हुने दस थान र्याफ्टहरू नेपाली सेनालाई हस्तान्तरण गरेका छन् ।
जसले नेपाली सेनाको विपद् प्रतिकार्य क्षमतालाई अझै बढाउन मद्दत गर्नेछ । पछिल्लो सहयोगले नेपालको विपद् व्यवस्थापनमा निरन्तर सहयोग गर्ने अमेरिकी प्रतिवद्धताको राम्रो उदाहरण मात्रै पेश गरेको छैन, नेपाली सेनाले विपत्तिको समयमा गर्ने प्रतिकार्य क्षमता बढाउन पनि सहयोग गरेको अमेरिकी दूतावासले जनाएको छ ।
