नेपाली सेनाले दियो बालीनालीको क्षतिपूर्ति
काठमाडौं । नेपाली सेनाले मकवानपुरको लालबकैया वडा नम्बर ५ का २३ घरपरिवारलाई क्षतिपूर्तिवापत तीन लाख दश हजार रुपैयाँ उपलब्ध गराएको छ ।
काठमाडौंँ–तराई–मधेश द्रुतमार्गको उक्त खण्डमा साउनको पहिलो साता भएको वर्षा र निर्माण क्रममा आएको पहिराबाट ती परिवारको बालीनालीमा क्षति पुगेपछि सेनाले सम्बन्धित व्यक्तिकै वैँक खातामा क्षतिपूर्तिको रकम उपलब्ध गराएको सैनिक जनसम्पर्क तथा सूचना निर्देशनालयले जनाएको छ । उक्त क्षतिपूर्ति रकम सम्बन्धित वडा कार्यालयको सिफारिशमा उपलब्ध गराइएको बताइएको छ ।
