प्रधानसेनापतिबाट उपरथी राणालाई दज्र्यानी चिह्न प्रदान
काठमाडौं । प्रधानसेनापति पूर्णचन्द्र थापाले सहायकरथीबाट हालै बढुवा हुनुभएका विनयविक्रम राणालाई उपरथी दर्जाको दज्र्यानी चिह्न प्रदान गरेका छन् । सैनिक मुख्यालय जङ्गी अड्डामा बुधबार आयोजित समारोहमा प्रधानसेनापति थापाले उनलाई उपरथी दर्जाको दज्र्यानी लगाईदिएका हुन् ।
सरकारले राणालाई पश्चिम पृतनापतिको जिम्मेवारी दिएको सैनिक जनसम्पर्क तथा सूचना निर्देशनालयले जनाएको छ । हालका पश्चिम पृतनापति गोकुल भण्डारीको हालै सैनिक मुख्यालयमा सरुवा भएको छ ।
