सशस्त्र प्रहरीको गणपति तालिम सुरु, एआईजी थापाद्वारा तालिम उद्घाटन



काठमाडौं । राष्ट्रिय सशस्त्र प्रहरी बल प्रशिक्षण प्रतिष्ठान मातातीर्थ काठमाडौंमा सि.सं. ४ गणपति तालिम संचालन भएको छ ।
प्रतिष्ठानका कार्यकारी निर्देशक सशस्त्र प्रहरी अतिरिक्त महानिरीक्षक नारायणबावु थापाले सोमबार एक कार्यक्रमका बीच तालिमको उद्घाटन गरे ।

त्यसअवसरमा सशस्त्र प्रहरी अतिरिक्त महानिरीक्षक थापाले मध्यम तहका र प्रत्यक्ष रुपमा फिल्डमा खटिई बटालियन तहको नेतृत्व वहन गर्ने अधिकृतहरुलाई लक्षित गरी उनीहरुको पेशागत ज्ञान, व्यावसायिक दक्षता एवं नेतृत्व क्षमतामा अभिबृद्धि गर्ने उद्देश्यले तालिम संचालन गरिएको उल्लेख गरे ।

उनले यस्ता तालिमबाट प्राप्त ज्ञान, कला र कौशलको उपयोग गरी सशस्त्र प्रहरी अधिकृतहरुले कार्यक्षेत्रमा आईपर्ने विविध चुनौतीहरुलाई परास्त गर्दै आत्म विश्वासका साथ चुस्त रुपमा कार्यसम्पादन गर्न कृयाशिल रहनुपर्नेमा जोड दिए ।

सशस्त्र प्रहरी अतिरिक्त महानिरीक्षक थापाले फौजी संगठनमा जिम्मेवारीका क्षेत्रहरुमा उत्कृष्ट कार्य सम्पादन गर्नका लागि यस्ता व्यावसायिक तालिमहरु महत्वपूर्ण कडीको रुपमा रहने चर्चा गर्दै सशस्त्र प्रहरी अधिकृतहरुको वृत्ति विकासमा समेत यस्ता तालिमले महत्वपूर्ण भूमिका खेल्ने बताए।

तालिमको दौरानमा प्रशिक्षार्थीहरुलाई स्टाफ ड्युटिज, कमाण्ड एण्ड म्यानेजमेन्ट, ट्याक्टिस, सुरक्षा, विभिन्न ऐन नियमहरु तथा संगठनको कामकारवाही लगायतका विविध विषयहरुमा सैद्धान्तिक एवं व्यवहारिक प्रशिक्षण दिइने समारोहमा जानकारी गराइएको थियो ।
करीब दुई महिना अवधिको उक्त तालिममा २८ जना सशस्त्र प्रहरी नायव उपरीक्षकहरु प्रशिक्षार्थी सहभागी छन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
ठगीजन्य कार्यबाट बच्न सिआइवीको अनुरोध

काठमाडौं । प्रहरीले पछिल्लो समयमा सामाजिक सञ्जाल तथा विभिन्न माध्यम प्रयोग गरी प्रलोभन

प्रधानसेनापति शर्मा सिरियामा

काठमाडौं । लेबनानको भ्रमण सकेर सिरियाको शान्ति मिसन क्षेत्रको औपचारिक भ्रमणमा रहेका प्रधानसेनापति

१७ एसएसपीको डिआइजीमा बढुवा सिफारिस

काठमाडौं । नेपाल प्रहरीका १७ जना एसएसपीलाई डिआइजीमा बढुवा सिफारिस भएका छन् ।

प्रहरी महानिरीक्षक सिंहद्वारा प्रतिष्ठानको निरीक्षण भ्रमण

काठमाडौं । प्रहरी महानिरीक्षक धीरजप्रताप सिंहले बुधबार राष्ट्रिय प्रहरी प्रशिक्षण प्रतिष्ठान महाराजगञ्जको निरीक्षण