सशस्त्र प्रहरी महानिरीक्षक खनालद्वारा विभागीय प्रमुख तथा बाहिनीपतिहरुसँग कार्यसम्पादन सम्झौता



काठमाडौं । सशस्त्र प्रहरी महानिरीक्षक शैलेन्द्र खनालले मातहत विभागिय प्रमुख र बाहिनीपतिहरुसँग कार्यसम्पादन सम्झौता गरेका छन् । सशस्त्र प्रहरी बल¸ नेपाल प्रधान कार्यालय हलचोकमा शुक्रबार आयोजित कार्यक्रममा महानिरीक्षक खनालले विभागीय प्रमुखहरु एवं बाहिनीपतिहरुसँग वार्षिक कार्यसम्पादन सम्झौता गरेका हुन् ।

नेपाल सरकारद्वारा अख्तियार गरिएका नीति अनुसार सरकारका सम्पूर्ण अंगहरुलाई अझ बढी प्रभावकारी¸ जिम्मेवार¸ जवाफदेही तथा लक्ष्य केन्द्रित बनाउन कार्यालय प्रमुखहरुले तालुक कार्यालय प्रमुखहरुसँग वार्षिक कार्यसम्पादन सम्झौता गर्ने प्रचलन भए अनुरुप यस अघि महानिरीक्षक खनालले गृह सचिव महेश्वर न्यौपानेसँग सो सम्झौता गरिसकेका छन् । कार्यक्रममा निर्देशन दिँदै महानिरीक्षक खनालले सांगठनिक लक्ष्य प्राप्तीको लागि कार्य योजनाले मार्ग निर्देशन गर्ने भएकोले त्यही अनुसार आफ्नो जिम्मेवारी र उत्तरदायित्व निर्वाह गर्नु हुनेछ भन्ने विश्वास लिएको बताए ।

यस प्रकारले कार्य सम्पादन सम्झौता विभागिय प्रमुखहरु र बाहिनीपतिहरुको क्षमता र कार्य दक्षताको परीक्षा समेत भएको भन्दै महानिरीक्षक खनालले सीमा सुरक्षार्थ थप के गर्न सकिन्छ भन्ने बारेमा कार्ययोजना बनाउन समेत निर्देशन दिए । खनालले प्रत्येक बाहिनीले स्थापना गर्नुपर्ने बिओपि समयमानै स्थापना गर्नुपर्ने¸ कोभिड १९ संक्रमण रोकथाम र नियन्त्रण गर्न अहोरात्र परिचालित राष्ट्रसेवकहरुको समयमानै अदलीबदली¸ आवश्यक सुरक्षात्मक उपाय अपनाउन तथा मातहत कर्मचारीको गुनासोलाई उचित सम्बोधन गर्न निर्देशन दिए । कार्यसम्पादन सम्झौताले कर्मचारीलाई आफ्नो जिम्मेवारी र उत्तरदायित्व पुरा गर्न सदैव झकझकाउने र यसैलाई आधारमानी कर्मचारीले आफ्नो स्वमुल्याड्ढन समेत गर्न सक्ने महानिरीक्षक खनालले बताए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
ठगीजन्य कार्यबाट बच्न सिआइवीको अनुरोध

काठमाडौं । प्रहरीले पछिल्लो समयमा सामाजिक सञ्जाल तथा विभिन्न माध्यम प्रयोग गरी प्रलोभन

प्रधानसेनापति शर्मा सिरियामा

काठमाडौं । लेबनानको भ्रमण सकेर सिरियाको शान्ति मिसन क्षेत्रको औपचारिक भ्रमणमा रहेका प्रधानसेनापति

१७ एसएसपीको डिआइजीमा बढुवा सिफारिस

काठमाडौं । नेपाल प्रहरीका १७ जना एसएसपीलाई डिआइजीमा बढुवा सिफारिस भएका छन् ।

प्रहरी महानिरीक्षक सिंहद्वारा प्रतिष्ठानको निरीक्षण भ्रमण

काठमाडौं । प्रहरी महानिरीक्षक धीरजप्रताप सिंहले बुधबार राष्ट्रिय प्रहरी प्रशिक्षण प्रतिष्ठान महाराजगञ्जको निरीक्षण