दुई एआइजीलाई दर्ज्यानी चिन्ह प्रदान



काठमाडौं । प्रहरी महानिरीक्षक शैलेश थापा क्षेत्रीले प्रहरी नायब महानिरीक्षकबाट प्रहरी अतिरिक्त महानिरीक्षक पदमा बढुवा हुनुभएका दुई प्रहरी अधिकृतलाई दज्र्यानी चिह्न प्रदान गरेका छन् ।

महानिरीक्षक थापा क्षेत्रीले बुधबार प्रहरी प्रधान कार्यालयमा आयोजित कार्यक्रममा साउन १२ को मन्त्रिपरिषद् बैठकको निर्णयअनुसार डिआइजीबाट एआइजी पदमा पदोन्नति भएका निरजबहादुर शाही र पद्युम्नकुमार कार्कीलाई दज्र्यानी चिह्न प्रदान गरे ।

सोही कार्यक्रममा महानिरीक्षक क्षेत्रीले प्राविधिक प्रहरी उपरीक्षक पदमा पदोन्नति हुनुभएका पशुपतिकुमार राय र श्यामकुमार मण्डललाई पनि दज्र्यानी चिह्न प्रदान गरेका थिए ।

कार्यक्रममा महानिरीक्षक थापा क्षेत्रीले प्रहरी अधिकृतले आफ्नो दक्षताअनुरुप थप ऊर्जासहित व्यावसायिक सेवाको अपेक्षा प्रहरी सङ्गठनले गरेको बताए ।

व्यक्तिगत स्वार्थभन्दा माथि उठेर सङ्गठनको बृहत्तर हितमा लाग्नुपर्ने उनको भनाइ थियो ।

उनले सामूहिक नेतृत्व सधैँ सङ्गठनको हितमा लाभकारी हुने भन्दै प्रहरी अतिरिक्त महानिरीक्षकको पदोन्नतिसँगै नेतृत्व तह थप बलियो हुने विश्वास व्यक्त गरे ।

कार्यक्रममा नवनियुक्त एआइजी नीरजबहादुर शाहीले सङ्गठनको नीति निर्देशन र आदेशप्रति सदैव कर्मनिष्ठ रही सङ्गठनको बृहत्तर हित र गरिमालाई थप उचाइमा लैजान मन, वचन र कर्मले कटिबद्ध भएर लाग्ने प्रतिबद्धता व्यक्त गरे ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
सशस्त्र प्रहरीका १६ डीआईजीको सरुवा, कसको कहाँ ?(सूचीसहित)

काठमाडौं । सशस्त्र प्रहरी बलका १६ सशस्त्र प्रहरी नायव महानिरीक्षक (डीआईजी) को सरुवा

इन्डोनेसिया प्रहरीको इन्टरनेशनल रिलेसन्स डिभिजन प्रमुख नेपालमा

काठमाडौं । इन्डोनेसियन नेशनल प्रहरीका हेड अफ इन्टरनेशनल रिलेसन्स् डिभिजन प्रमुख आईजीपी कृष्ण

नेपाल प्रहरीका ६ एसएसपीको सरुवा, बसन्त रजौरेलाई काठमाडौं प्रहरी प्रमुखको जिम्मेवारी

काठमाडौं । नेपाल प्रहरीका ६ एसएसपीको सरुवा भएको छ । शुक्रबार उपप्रधान तथा

नेपाली सेनाले माग्यो प्राविधिक, हवाइ र विविध सेवातर्फ तीनसय भन्दाबढी कर्मचारी

काठमाडौं । नेपाली सेनाले विभिन्न पदमा भर्ना खुला गरेको छ । भर्ना छनोट