भूमि अतिक्रमणको विरोधमा साइप्रसका प्रवासी नेपालीद्वारा प्रधानमन्त्रीलाई ज्ञापनपत्र
काठमाडौं । भारतीय पक्षबाट भएको नेपाली भूमि अतिक्रमणविरुद्ध प्रवासी नेपाली एकता समाज साइप्रसले नेपाली अवैतानिक महाबाणिज्य दूतावास साइप्रसमार्फत प्रधानमन्त्रीलाई ज्ञापनपत्र बुझाएको छ । सम्पूर्ण प्रवासी नेपालीहरुको समेत एकता कायम रहेको र परिआएको खण्डमा जुनसुकै योगदान दिन समेत तयार रहेको भन्ने ऐक्यवद्धता जनाउन ज्ञापनपत्र बुझाएको प्रवासी नेपाली एकता समाज साइप्रसका अध्यक्ष त्रिविक्रम सिंहले जानकारी दिए ।
कोरोना भाइरसका कारण साइप्रसमा लक्डाउन छ त्यहाँको सरकारले ५ जना भन्दा बढी एकै ठाउँमा भेला हुन नपाउने कडा नियम जारी गरेको छ । उनले भने, ‘हामीले सबै नियमको पालना गर्दै नेपाल सरकारको साथमा हामी छौँ भन्ने सन्देश दिन खोजेका हौं । सरकारले यथासिघ्र कदम उठाउनु पर्यो, प्रधानमन्त्री स्तरमा वार्ता संवाद हुनुपर्यो, त्यसबाट पनि कुनै टुंगो नलागे संयुक्त राष्ट्र संघमा समेत जान हामीले आग्रह गरेका छौं ।’
