फुकेटमा दैनिक ६ सयलाई खाना खुवाउँदै इस्कोन

काठमाडौं । अरुलाई समस्या पर्दा सहयोग गर्ने नेपालीहरुको मन नै हो । त्यसैले त यस्ता सहयोगमा जुनसुकै मुलुकमा भएपनि नेपालीहरु अग्रसर हुन्छन् । अहिले थाइल्याण्डमा भएका नेपालीहरुले यस्तै सहयोग गरिरहेका छन् । कोरोना संक्रमणका कारण लकडाउनमा परेका थाइल्याण्डको फुकेटबासीलाई नेपालीहरुले यस्तै सहयोग गरिरहेका छन् ।

इन्टरनेशनल सोसाइटी फर कृष्ण कन्सियसनेस(इस्कोन)ले मे ६ तारिखदेखि दैनिक ६ सय जनालाई खाना खुवाएर ठूलो मानवता प्रदर्शन गरेको छ । यो अभियान मे ३० तारिखसम्म जारी रहने इस्कोनले जनाएको छ । उनीहरुले कोरोनाका कारण समस्यामा परेका मानिसलाई सहयोग गर्न चाहनेलाई इस्कोनसँग सम्पर्क गर्नसमेत आग्रह गरेका बरिष्ठ फोटो पत्रकार न्हुँच्छेमान डंगोलले जानकारी दिएका छन् ।