राष्ट्रियता खतरामा पारेर मुलुकको आन्तरिक मामिलामा राप्रपाले विदेशी सहयोग नखोज्ने



नयाँदिल्ली । राष्ट्रिय प्रजातन्त्र पार्टीका केन्द्रीय सदस्य तथा प्रवास विभाग प्रमुख विजय खड्काले नेपालमा हिन्दू राष्ट्र पुनस्र्थापना गर्न भारतको सद्भाव आवश्यक रहेको वताएका छन् ।

राष्ट्रिय प्रजातन्त्र पार्टीको प्रवास विभाग भारत अन्तर्गत भारतको नयाँदिल्लीमा आइतबार आयोजित भेलामा सभापतिको आसनवाट सम्वोधन गर्दै खड्काले मुलुकमा राष्ट्र, राष्ट्रिय पहिचान, हिन्दू राष्ट्र, राजसंस्था, संघीयता जस्तो मुद्दामा नेपाली जनता सकारात्मक हुँदै गएको बताए । उनले यो विषय नेपाली जनताले संविधानको परिधिभित्रवाटै परिवर्तन गर्ने वताए ।

अहिले संविधानले दिएको अधिकार प्रयोग गर्दै सडक र सदनवाट नै परिवर्तन सम्भव रहेको भन्दै उनले काग्रेस र कम्युनिस्टले जस्तो राष्ट्रियता खतरामा पारेर मुलुकको आन्तरिक मामिलामा राप्रपा विदेशी सहयोग नखोज्ने पार्टी भएको वताए ।

समान विचारधारा भएको विजेपी र तमाम हिन्दूवादी भारतीय जनताको सद्भाव नै परिवर्तनको लागि काफी हुने उनले वताए । विश्वका २५ भन्दा वढी मुलुकमा संगठन रहेको प्रवासी नैपाली एकता समाजले भारतको विभिन्न शहरहरूमा संगठन विस्तार गरेर अधिवेशन गर्ने वताए ।

कार्यक्रमलाई सम्बोधन गर्दै राप्रपाका सहायक महामन्त्री राजाराम बर्तौलाले मुलुकले गुमाएको गौरवशाली इतिहासलाई फर्काउने अभियानमा जुट्न प्रवासमा रहेका नेपालीहरुको महत्वपूर्ण भूमिका हुने विचार व्यक्त गरे ।

नेपालको राजनीतिमा स्पष्ट बिचार र अलग पहिचानका साथ कृयाशील राप्रपालाई स्थापित गर्न उच्च मनोबलका साथ पार्टी अगाडि बढिरहेको चर्चा गर्दै बर्तौलाले मुलुकमा भैइरहेको बेथिति, बिसंगति, बेरोजगारी र भ्रस्टाचारको बिषयमा सबैको खबरदारी हुनु पर्नेमा जोड दिए ।

गरिबी र अशिक्षाको फाईदा उठाउँदै गाउँको गाउँ धर्म परिवर्तन गरिएकोमा तिब्र असन्तुष्टी व्यक्त गर्दै उनले सरकार धार्मिक द्वन्द्व गराउने तर्फ उन्मुख भएको र राज्य सर्वसत्तावादको बाटो तर्फ गएकोमा रोष प्रकट गरे ।

कार्यक्रममा हिन्दू एकता मञ्च नेपालका संयोजक गणेश रिमाल, हिन्दूवादी नेताहरु महेन्द्र केसी, केबी थापा, राप्रपा बैतडी अध्यक्ष प्रेम बहादुर चन्द , आचार्य सुजन पराजुली लगायतले शुभकामना मन्तव्य व्यक्त गरेका थिए ।

भेलाले अध्यक्ष हिक्मत चन्दको अध्यक्षतामा १५ सदस्यीय प्रवासी नेपाली एकता समाज दिल्ली गठन गरेको छ । उपाध्यक्षद्वयमा प्रहर्श मल्ल, उमा चन्द ठाकुर, सचिव गोकर्ण ओली, प्रजक्ता सिबी क्षेत्री , कोषाध्यक्ष शुभ दाहाल रहेका छन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
लोकतन्त्रको विकल्प छैनः अध्यक्ष नेपाल

काठमाडौं । नेकपा एकीकृत समाजवादीका अध्यक्ष माधवकुमार निरङ्कुशतन्त्रविरुद्ध नेपालले जनताले लामो समयदेखि गरेको

गणतन्त्रका कारण भ्रष्टाचार बढ्यो भन्नु मिथ्या प्रचारः अध्यक्ष ओली

काठमाडौं । नेकपा एमालेका अध्यक्ष केपी शर्मा ओलीले गणतन्त्रको सुन्दर प्रणालीलाई मजबुत बनाएर

जनताको व्यवस्थामाथि नै आँच पुर्याउने गतिविधि र बारम्बारको नयाँ प्रयोग यो राष्ट्रले अब धान्न सक्दैन : राष्ट्रपति

काठमाडौं ।  राष्ट्रपति रामचन्द्र पौडेलले १६औँ गणतन्त्र दिवसका अवसरमा स्वदेश तथा विदेशमा रहनुभएका

अहिलेको शासन प्रणालीप्रति भ्रम छर्ने र वितृष्णा छर्ने प्रयास कदापि सफल हुने छैनन्ः प्रधानमन्त्री

काठमाडौं ।  प्रधानमन्त्री पुष्पकमल दाहाल ‘प्रचण्ड’ ले लोकतन्त्रको विकास लोकतन्त्रभित्रैबाट सम्भव रहेको बताएका