मन्त्री अनुपस्थित भएपछि संसद बैठक १५ मिनेटका लागि स्थगित
काठमाडौं । प्रतिनिधिसभा बैठकमा मन्त्रीको उपस्थिति नभएपछि बैठक १५ मिनेटका लागि स्थगित भएको छ । बुधबार बैठक सुरु हुनासाथ नेकपा (माओवादी केन्द्र)का प्रमुख सचेतक हितराज पाण्डेले सरकारले सदनलाई हेपेको बताएका थिए ।
उनले मन्त्री उपस्थित नभएकाले बैठक स्थगित गर्न माग गरेका थिए । त्यसपछि सभामुख देवराज घिमिरेले बैठक १५ मिनेटका लागि स्थगित गरेका हुन् ।
प्रतिनिधिसभा बैठकमा एकजना पनि मन्त्री उपस्थित नभए संसद बैठक नबस्ने नियमावलीमा
व्यवस्था छ ।
