पृथ्वीजयन्तीमा आयोजित चियापानमा प्रधानमन्त्रीलाई राप्रपाको निम्ता
काठमाडौँ । राष्ट्रिय प्रजातन्त्र पार्टीका अध्यक्ष राजेन्द्र लिङ्देन र प्रधानमन्त्री केपी शर्मा ओलीबीच भेटवार्ता भएको छ । बिहीबार साँझ बालुवाटार भएको भेटमा विविध पक्षमा लामै कुराकानी भएको लिङ्देनले जानकारी दिएका छन् ।
राष्ट्रिय एकता दिवस तथा पृथ्वीजयन्तीका अवसरमा पौष २७ गते राप्रपाद्वारा भृकुटी मण्डपमा आयोजना हुने चियापान कार्यक्रममा निमन्त्रणा दिने क्रममा ओलीसँग लिङ्देनको भेट भएको हो ।
भेटमा समसामयिक राजनीतिक घटनाक्रमका विषयमा पनि दुई नेताबीच छलफल भएको बताइएको छ । राप्रपाले पुस २७ गते राष्ट्रिय एकता दिवस तथा पृथ्वी जयन्तीको अवसरमा काठमाडौँको भृकुटीमण्डपमा चियापान कार्यक्रम गर्दै छ।
