रवि लामिछानेलाई म्याद थपका लागि आज अदालत उपस्थित गराइने
पोखरा । सहकारी ठगी, सम्पत्ति शुद्धीकरण र संगठित अपराध मुद्दामा अनुसन्धानका लागि हिरासतमा रहेका राष्ट्रिय स्वतन्त्र पार्टी (रास्वपा) का सभापति रवि लामिछानेलाई आज म्याद थपका लागि अदालतमा पेश गरिँदैछ ।
थुनामा राख्न दिइएको पछिल्लो १३ दिनको म्याद शुक्रबार सकिएपछि आज प्रहरीले कास्की अदालतमा लामिछानेलाई म्याद थपका लागि पेस गर्न लागेको हो । म्याद थप भएपछि प्रहरीले थप अनुसन्धान अघि बढाउने छ । उनी कात्तिक २ गते काठमाडौंबाट पक्राउ परेका थिए ।
