प्रधानमन्त्री ओली र अमेरिकी उपविदेशमन्त्री वर्माबीच द्विपक्षीय सम्बन्धका विषयमा छलफल

काठमाडौँ । प्रधानमन्त्री केपी शर्मा ओली र अमेरिकी उपविदेशमन्त्री रिचार्ड वर्माबीच भेटवार्ता भएको छ । शुक्रबार बिहान काठमाडौँ आइपुगेका उपविदेशमन्त्री रिचार्डले प्रधानमन्त्री ओलीसँग दिउँसो भेटवार्ता गरेका हुन् ।

भेटमा उनीहरूबीच नेपाल र अमेरिकाबीचको पारस्परिक सम्बन्ध र द्विपक्षीय हितका विषयमा छलफल भएको बताइएको छ ।

नेपाल भ्रमणको क्रममा उनले नेपाल सरकारका नेतृत्वकर्ता, युएसएआइडी नेपालका कार्यक्रम कार्यान्वयन साझेदार, चिया विज्ञ र नेपाली व्यवसायीहरूसँग भेट गर्ने काठमाडौंस्थित अमेरिकी दूतावासले जनाएको छ ।