सभामुखले पार्टी नेतृत्वको निर्देशन बमोजिम चल्नु भनेको दुर्भाग्यपूर्ण होः कांग्रेस

काठमाडौं । नेपाली कांग्रेसले एमालेको निर्देशनमा सभामुख देवराज घिमिरे अघि बढेको आरोप लगाएको छ । बिहीबार संसद बैठकपछि पत्रकारहरुसँग कुरा गर्दै कांग्रेस प्रवक्ता डा. प्रकाशशरण महतले एमाले नेतृत्वको निर्देशनअनुसार चलेको आरोप लगाएका हुन् । उनले सभामुखले संसदीय इतिहासमा सबैभन्दा अर्मयादित काम गरेको आरोप लगाए ।

उनले भने, ‘संसदीय विधिको बर्खिलाप स्वयम् त्यसको रक्षा गर्न बसेको सभामुखले पार्टी नेतृत्वको निर्देशन बमोजिम हुनु भनेको दुर्भाग्यपूर्ण कुरा हो ।’

उनले एमाले अध्यक्ष केपी शर्मा ओलीमाथि पार्टीले कुनै आक्रमण नगरेको बताए । उनले कांग्रेस संसदीय मर्यादा मान्ने पार्टी भएको बताए । उनले गृहमन्त्री रवि लामिछानेमाथि छानबिन गर्न समिति बन्नुपर्ने बताए ।