नेपाली कांग्रेसले संसदमा अवरोध जारी राख्ने

काठमाडौं । नेपाली कांग्रेसले सदन अवरोध जारी राख्ने भएको छ । सरकार संसदीय समिति गठन सहमत नभएपछि कांग्रेसले सदन अवरोध जारी राख्ने भएको हो । आज बिहान ११ बजे बस्ने बैठक स्थगित गरेर सहमति जुटाउन भन्दै अपरान्ह ४ बजेका लागि बैठक बोलाइएको थियो ।

तर दलहरुका बीचमा सहमतिको प्रयास भएको भएपनि नेपाली काँग्रेसले भने अनुरुपको संसदीय छानबिन समिति सरकार तयार नभएपछि काँग्रेसले अवरोध कायम राख्ने भएको हो ।

कांग्रेस प्रवक्ता डा. प्रकाशशरण महतले सरकार सहकारी ठगी प्रकरणमा छानविन गर्न तयार भएपनि गृहमन्त्री रवि लामिछाने केन्द्रित भएर छानबिन गर्न तयार नभएको जानकारी दिए । जसका कारण आफूहरुले सदन अवरोध जारी राख्ने बताए ।