उद्धव पौडेल राप्रपा उपाध्यक्ष मनोनीत
काठमाडौं । राष्ट्रिय प्रजातन्त्र पार्टीले उपाध्यक्षमा उद्धव पौडेललाई मनोनीत गरेको छ। अध्यक्ष राजेन्द्र लिङ्देनले पार्टी विधानबमोजिम पौडेललाई बिहीबार उपाध्यक्ष पदमा मनोनीत गरेको प्रवक्ता मोहन श्रेष्ठले जानकारी दिए ।
पौडेल गत वैशाखमा राप्रपामा प्रवेश गरेका थिए। त्यसअघि उनी कमल थापा नेतृत्वको राप्रपा नेपालमा थिए। उनी राप्रपा नेपालमा कोषाध्यक्ष तथा आर्थिक विभाग प्रमुख थिए।
