गृहमन्त्री नियुक्ति गर्न राप्रपाको माग
काठमाडौं । राष्ट्रिय प्रजातन्त्र पार्टी (राप्रपा)ले तत्काल गृहमन्त्री नियुक्त गर्न प्रधानमन्त्री पुष्पकमल दाहाल प्रचण्डलाई दबाब दिएको छ । बुधवारको प्रतिनिधि सभाको बैठकमा बोल्दै राप्रपा प्रमुख सचेतक ज्ञानेन्द्र शाहीले बालाजु घटनालाई लिएर सरकारमाथि प्रश्न उठाएका हुन् ।
दिनदहाडै लुटपाट हुँदा समेत सरकार भए प्रहरीलाई किन निकम्मा बनाएको ? भनेर प्रश्न गरे । उनले भने, ‘गृह मन्त्रालय आफैँ राख्ने हो भने अरू सबै मन्त्रालय प्रधानमन्त्रीलाई जिम्मा दिए हुन्छ। गृह मन्त्रालयको संरचना छ तर गृहमन्त्री किन खाली राखियो ? देशको शान्ति सुरक्षा कायम गर्न गृहमन्त्री तत्काल नियुक्त गरियोस्।’