समानुपातिकतर्फ कसको कति सिट ?



काठमाडौं । निर्वाचन आयोगले मंसिर ४ को निर्वाचनमा समानुपातिक निर्वाचन प्रणालीबाट दलहरुले प्राप्त गरेको अन्तिम सिट संख्या सार्वजनिक गरेको छ । समानुपातिक तर्फको मतगणना सकिएसँगै आयोगले प्रतिनिधिसभा र प्रदेश सभामा दलहरुले प्राप्त गरेको सांसद संख्याबारे जानकारी गराएको हो ।

संघ र प्रदेश सभा दुवैमा नेकपा एमाले ठूलो दल बनेको छ। एमालेले संघमा ३४ सांसद र प्रदेशमा ७० सांसद पाएको छ। कांग्रेसले, संघमा ३२ र प्रदेशमा ६४ सिट पाएको छ । त्यस्तै, नेकपा माओवादी केन्द्रले संघमा १४ र प्रदेशमा ४३ सांसद पाएको छ। त्यस्तै, प्रदेश सभामा उम्मेदवारी नदिएको राष्ट्रिय स्वतन्त्र पार्टीले संघमा १३ सांसद पाएको छ । राप्रपाले ७ र प्रदेशमा २४ सांसद पाएको छ । आयोगले प्राप्त मत र भारका आधारमा प्राप्त गर्ने स्थान (सिट) सङ्ख्या निर्धारण गरी सम्बन्धित राजनीतिक दललाई बुधबार पत्र पठाएको छ । दलहरूलाई जवाफ पठाउन तीन दिनको समय दिइएको छ ।

आयोगका सहायक प्रवक्ता सूर्यप्रसाद अर्यालका अनुसार आयोगमा रहेको समानुपातिक निर्वाचन प्रणालीको मुख्य निर्वाचन अधिकृतको कार्यालयले प्रतिनिधिसभा र सातै वटा प्रदेशसभाका लागि उक्त प्रणालीअन्तर्गत राजनीतिक दलहरूले प्राप्त गरेको मतसङ्ख्या, प्रतिशत र सिट सङ्ख्या निर्धारण गरी कम्तीमा एक तिहाइ महिला प्रतिनिधित्व हुने गरी सिफारिश गर्न पत्र पठाइएको हो । थ्रेस होल्ट कटाउने दलले समावेशी समूह मिलाएर बन्दसूचीमा रहेकामध्येबाट नाम सिफारिस गर्नुपर्नेछ ।

आयोगमा दलहरूले बुझाएको समानुपातिकका उम्मेदवारको बन्दसूचीका आधारमा दलहरूले पाउने सिट सङ्ख्यासहित नाम समावेशी समूह मिलाएर सिफारिसका लागि दलहरूलाई पत्राचार गर्नेछ । त्यसका लागि दलहरूले प्रतिनिधिसभातर्फ सात दिन र प्रदेशसभातर्फ तीन दिन समय पाउनेछन् । दलहरूबाट नामावली सिफारिस भइसकेपछि आयोगले यही मङ्सिर २६ गतेभित्रमा निर्वाचन परिणामको प्रतिवेदनसहित राष्ट्रपतिसमक्ष प्रतिवेदन बुझाउने तयारी गरेको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
राष्ट्रियसभा उपाध्यक्षका लागि उम्मेदवारी नदिने कांग्रेसको निर्णय

काठमाडौं । नेपाली कांग्रेसले राष्ट्रियसभा उपाध्यक्षमा उम्मेदवारी नदिने भएको छ । आइतबार बसेको

गण्डकी प्रदेशसभा बैठककक्षमा खुट्टा छिराउ नै धौधौ पर्ने टेबुल र कुर्ची

गण्डकी । पुरानो भवन । साँघुरो बैठककक्ष । साजसज्जाले बाहिर चिटिक्क देखिए पनि

राष्ट्रियसभाको उपाध्यक्षका लागि मनोनयन दर्ता आज

काठमाडौं । राष्ट्रियसभाको उपाध्यक्षका लागि आज मनोनयन दर्ता हुनेभएको छ । सङ्घीय संसद्

रास्वपाले सरकारकाबारेमा आइतबार निर्णय गर्ने

काठमाडौं । राष्ट्रिय स्वतन्त्र पार्टीको बैठक बिनानिष्कर्ष टुंगिएको छ । सरकारकाबारेमा निर्णय गर्न