चुनावी परिणाम राम्रो नआएको भन्दै माओवादीका लुम्बिनी अध्यक्षद्वारा राजीनामा
बुटवल । निर्वाचनमा सोचेजस्तो परिणाम नआएपछि माओवादी केन्द्रका लुम्बिनी प्रदेश अध्यक्षले राजीनामा दिएका छन् । गत महाधिवेशनका क्रममा लुम्बिनी प्रदेश अध्यक्षमा निर्वाचित सुदर्शन बरालले हारको नैतिक जिम्मेवारी लिँदै पदबाट राजीनामा दिएका हुन् ।
बराल आफैँ पनि २०७४ मा विजय हासिल गरेको गुल्मी–१ ‘क’ मा एमाले उम्मेदवार दिनेश पन्थीसँग पराजित भएका छन् । सत्ता गठबन्धनका बाबजुद माओवादी केन्द्रले लुम्बिनीमा अपेक्षित सफलता प्राप्त गर्न सकेको छैन।
दाङ– ३ मा रेखा शर्मा, रोल्पामा वर्षमान पुन र रुकुमपूर्वमा पूर्णबहादुर घर्तीबाहेक यो प्रदेशबाट प्रतिनिधि सभा सदस्यमा माओवादी केन्द्रका अन्य उम्मेदवारले विजय हासिल गर्न सकेका छैनन् ।