राप्रपाले ४ महानगरमा उम्मेदवारको टुंगो लगायो
काठमाडौं । राष्ट्रिय प्रजातन्त्र पार्टीले ६ मध्ये ४ महानगरको उम्मेदवार टुंगो लगाएको छ । राप्रपाले काठमाडौंमा मदनदास श्रेष्ठ, ललितपुरमा अष्ट महर्जन, वीरगंजमा गिरिश गिरी र पोखरामा शंकर खराललाई मेयर पदको उमेदवार बनाएको छ ।
यस्तै राप्रपाले उप मेयरको पनि टुंगो लगाएको छ । काठमाडौंको उपमेयरमा विनिता मगैया, ललितपुर उपमेयरमा स्वर्णिमा शाक्य, वीरगञ्जमा विना जयसवाल, पोखरामा रञ्जना सेनको नाम टुंगो लागेको छ । बाँकी २ महानगरको आज अबेरसम्म टुंगो लगाइने राप्रपाका प्रवक्ता मोहन श्रेष्ठले जानकारी दिए ।
