जति धेरै बेइमानी त्यति धेरै सत्यानाश !
काठमाडौं । नेकपा एमालेका नेता घनश्याम भुसालले पार्टीभित्र नेतृत्व इमान्दार नहुँदा विसर्जनतर्फ जान थालेको बताएका छन् । पार्टीका वरिष्ठ नेता माधवकुमार नेपालले नयाँ पार्टी दर्ताका लागि निर्वाचन आयोगमा निवेदन दिएपछि बिहीबार सामाजिक संजालमार्फत भुसालले हाम्रो पार्टीको मुख्य समस्या विचारहीनता/सिद्धान्तहीनताबाट शुरू भएको बताएका हुन् ।
उनले भनेका छन्, ‘हाम्रो पार्टीको मुख्य समस्या विचारहीनता/सिद्धान्तहीनताबाट शुरू भएको हो । कम्तिमा संगठनात्मक विधि स्थापित गर्दा ती समस्या समाधान गर्ने ढोका खुल्थ्यो । त्यसमा पनि इमान्दार नहुँदा हामी तीब्ररूपमा विसर्जनतर्फ जांदैछौं ।जति धेरै बेइमानी त्यति धेरै सत्यानाश ! फेरि पनि हस्तक्षेपको खाँचो छ ।’