काठमाडौं । राष्ट्रिय प्रजातन्त्र पार्टीमा पनि विवाद देखिएको छ । पार्टी अध्यक्ष कमल थापाले सामाजिक संजालमार्फत अरु दुई अध्यक्षका कारण आफू चेपुवामा परेको बताएका हुन् ।
उनले दुई अल्छी घोडाको बीचमा च्यापिएको तिव्रगतिको घोडाको हालत के होला ? भन्दै प्रश्न गरेका छन् । उनले लेखेका छन्, ‘दुई वा दुईभन्दा बढी घोडाले तानेको रथले तिव्रगति लिन सक्दैन। । यो नैसर्गिक सत्य हो । यो सत्य नबुझेको होइन,तर तिव्रगति लिन नसके पनि सामान्य गतिमा हिँड्ला भन्ने आशा थियो।गतिहिन नै होला भन्ने सोचिएन । दुई अल्छी घोडाको बीचमा च्यापिएको तिव्रगतिको घोडाको हालत के होला ?च्यापिएर थलापर्न बेर छैन ।’
सरकारमा जाने विषयमा राप्रपामा विवाद छ । केही दिनअघि प्रधानमन्त्री केपी शर्मा ओलीले अध्यक्ष थापासँग भेट गरी सरकारमा सहभागी हुन आग्रह गरेको खबर सार्वजनिक भएको थियो । तर अध्यक्षद्वय पशुपति शम्सेर राणा र डा. प्रकाशचन्द्र लोहनीले यसबारेमा विमति राखेको बताइन्छ ।
दुई वा दुईभन्दा बढी घोडाले तानेको रथले तिव्रगति लिन सक्दैन।यो नैसर्गिक सत्य हो।यो सत्य नवुझेको होईन,तर तिव्रगति लिन नसके पनि सामान्य गतिमा हिड्ला भन्ने आशा थियो।गतिहिन नै होला भन्ने सोचिएन।
दुई अल्छी घोडाको बिचमा च्यापिएको तिव्रगतिको घोडाको हालत के होला?च्यापिएर थलापर्न बेर छैन— Kamal Thapa (@KTnepal) June 7, 2021
प्रतिक्रिया