धरहरालाई देखाएर यहाँ डण्डी र सिमेन्टको भाउ बढाइयोः सांसद महत
काठमाडौं । नेकपा माओवादी केन्द्रका सांसद गजेन्द्रबहादुर महतले मेलम्ची देखाएर पेट्रोल र डिजेलको भाउ बढाइएको बताएका छन् ।
प्रतिनिधिसभाको सोमबारको बैठकमा सांसद महतले मेलम्ची देखाएर पेट्रोल र डिजेलको भाउ बढाइएको बताएका हुन् ।
उनले भने, ‘सभामुख महोदय, मेलम्ची देखाएर पेट्रोल र डिजेलको भाउ बढाइएको छ । धरहरालाई देखाएर यहाँ डण्डी र सिमेन्टको भाउ बढाइएको छ । विकास र समृद्धि देखाएर नुनतेल, चामल र दालको मूल्य बढाएर जनताको ढाड सेकिएको छ । पार्टीभित्रको विवाद देखाएर संसदको ढाड नै भाँचिएको छ ।’
उनले राष्ट्रवाद देखाएर चुच्चे नक्सा पनि गायब भएको भन्दै सभामुखको ध्यानाकर्षण गराए । उनले भने, ‘पार्टीभित्रको झगडालाई देखाएर संसद्को ढाडै भाँच्ने काम भएको छ । कोरोना देखाएर ऋणले जनता डुबाइसकियाछ । राष्ट्रवाद देखाएर यहाँ चुच्चे नक्सा पनि गायब पारियो । अब यस्तो भइरहेको छ । सभामुखमार्फत यसमा सबै पार्टीको ध्यान जाओस् जनताको ध्यान जाओस् ।’