‘सर्वोच्चको फैसलाले दुई दलीय अधिनायकवाद लाद्ने योजना असफल’
काठमाडौँ । नेपाल कम्युनिस्ट पार्टी(नेकपा) का अध्यक्ष ऋषि कट्टेलले सर्वोच्च अदालतको फैसलाले इमान्दार जनताका असली प्रतिनिधि र पार्टीको विजय भएको बताएका छन् ।
मंगलबार विज्ञप्ति जारी गरी अध्यक्ष कट्टेलले सर्वोच्चको फैसलाले द्विदलीय अधिनायकवाद लाद्ने योजना असफल भएको बताएका हुन् ।
विज्ञप्तिमा भनिएको छ, ‘नेपाली कम्युनिस्ट आन्दोलनको लोकप्रिय पार्टी नेपाल कम्युनिस्ट पार्टीको नामसँग सम्बन्धित पहिचान अतिक्रमण हुनेगरी निर्वाचन आयोगमा जबर्जस्ती रुपमा दर्ता गरिएको नेपाल कम्युनिस्ट पार्टी ने क पा को नाम सर्वोच्च अदालतले खारेज गरिदिएको छ । विसर्जनवादमा पतन भएका एमाले र माओवादी केन्द्र मिलेर बनेको पार्टीले कथित शक्तिको उन्मादमा उनीहरू आफैले बनाएको सविधान र कानुनविपरीत निरंकुश सर्वसत्तावाद लाद्न खोजेका थिए संसद्वादी पूँजिवादीमा पतन भएका कथित कम्युनिस्ट नामधारी पार्टीले प्रतिक्रियावादीको कथित दुई दलीय अधिनायकवाद लादने गुरू योजना अन्तर्गत एकताबद्ध गरिएको प्रपञ्च एक हदसम्म यो निर्णयले असफल पारिदिएको छ ।’
