नेकपाको प्रचण्ड-नेपाल पक्षको केन्द्रीय कमिटी बैठक सुरु
काठमाडौँ । सत्तारुढ नेकपाको (प्रचण्ड–नेपाल) पक्षको केन्द्रीय कमिटी बैठक सुरु भएको छ । बबरमहलमा सुरु भएको बैठकले प्रतिनिधिसभा विघटनविरुद्ध संघर्षका कार्यक्रम घोषणा गर्ने बताइएको छ ।
केन्द्रीय कमिटी बैठक अघि यो पक्षको स्थायी कमिटी बैठक पनि त्यही ठाउँमा बसेको थियो । स्थायी कमिटीअघि अध्यक्षद्वय पुष्कमल दाहाल र माधवकुमार नेपाल साथै वरिष्ठ नेता झलनाथ खनाल, प्रवक्ता नारायणकाजी श्रेष्ठबीच बैठकका एजेण्डाबारे छलफल भएको थियो । संघर्षको कार्यक्रम कस्तो हुने भन्ने खाका बैठकमा पेस हुँदैछ ।