कर्णाली प्रदेशका मुख्यमन्त्रीविरूद्द दर्ता भएको अविश्वास प्रस्ताव फिर्ता गराइने
काठमाडौं । प्रधानमन्त्री एवं नेपाल कम्युनिष्ट पार्टी(नेकपा) का अध्यक्ष केपी शर्मा ओली र कार्यकारी अध्यक्ष पुष्पकमल दाहाल“प्रचण्ड“ बीच कर्णाली प्रदेश संसदीय दलका प्रमुख सचेतकबाट गुलाबजंग शाहलाई मुख्यमन्त्री महेन्द्रबहादुर शाहीले हटाउने निर्णय बदर गर्ने सहमति भएको छ ।
दुई अध्यक्षबीच मंगलबार बिहान भएको भेटमा प्रमुख सचेतकमा शाहीद्वारा नियुक्त सीता नेपालीको निर्णय बदर गरी पूर्ववत् रूपमा सचेतकमा कायम गर्ने सहमति भएको प्रधानमन्त्रीका प्रेस सल्लाहकार सूर्य थापाले जानकारी दिएका छन् ।
त्यस्तै मुख्यमन्त्रीविरूद्द दर्ता भएको अविश्वास प्रस्ताव फिर्ता लिने र खन्य विषयहरूमा सल्लाह र समझदारीका साथ आवश्यक निर्णय लिने दुई अध्यक्षबीच सहमति भएको थापाले बताएका छन् । उनले यस बारेमा कतिपय सञ्चारमाध्यममा आएकोजस्तो गरी छलफल र सहमति नभएको जानकारी दिएका छन् ।