प्रधानमन्त्रीले विश्वास गरेर संचारमा पठाउनु भएको हो, इमान्दारीपूर्वक काम गर्छुः सञ्चारमन्त्री गुरुङ
काठमाडौं । सञ्चार तथा सूचना प्रविधिमन्त्री पार्वत गुरुङले देश र जनताप्रति इमान्दारीपूर्वक काम गर्ने प्रतिवद्धता जनाएका छन् । शनिबार काठमाडौंमा यज्ञराज ढुंगेलद्वारा लिखित हेड सर र आकाशै पल्टिए पनि कृति लोकार्पण गर्दै मन्त्री गुरुङले आफूलाई प्रधानमन्त्रीले विश्वास गरेर महिला बालबालिका मन्त्रालयबाट सञ्चारमन्त्रालयको जिम्मेवारी दिएको भन्दै इमान्दारीपूर्वक काम गर्ने प्रतिवद्धता जनाएका हुन् ।
उनले जनताले गरेको विश्वासलाई कुठाराघाट हुन नदिने स्पष्ट पारे । अब भाषणमा नभइ काममा विश्वास गर्ने बेला आएको उनको भनाई थियो ।