अमेरिकी विदेशमन्त्री पोम्पियो र परराष्ट्रमन्त्रीबीच के विषयमा भयो कुराकानी ?
काठमाडौं । परराष्ट्रमन्त्री प्रदीप ज्ञवाली र अमेरिकी विदेशमन्त्री माइक पोम्पियोबीच बुधबार टेलिफोनमा वार्ता भएको छ । ज्ञवाली र पोम्पियोबीच कोभिड -१९ महामारी र समसामयिक विषयमा कुराकानी भएको परराष्ट्र मन्त्रालयले जनाएको छ । दुवै देशका सरकारले नागरिकको जीवन रक्षाको लागि गरेका प्रयासको पनि प्रशंसा गरेका थिए ।
उनीहरुबीच विकास परियोजनामा हुने साझेदारीको महत्वका बारेमा पनि छलफल भएको परराष्ट्र मन्त्रालयले उल्लेख गरे पनि एमसीसी परियोजनाबारे कुरा भए नभएको केही जानकारी गराएको छैन ।
