नेकपाका नेता भट्टराईको मुटुको शल्यक्रिया गरियो
काठमाडौं । प्रधानमन्त्रीका परराष्ट्र मामिला सल्लाहकार डा.राजन भट्टराईको मुटुमा अचानक समस्या आएपछि महाराजगन्जस्थित गंगालाल हृदयरोग केन्द्रमा भर्ना गरिएको छ ।
शुक्रबार राति स्वास्थ्यमा समस्या आएपछि उनलाई अस्पताल लगिएको थियो । उनको मुटुको दाहिने कारोनरी आर्टरीको शल्यक्रिया गरिएको प्रधानमन्त्रीका प्रेस सल्लाहकार सूर्य थापाले जानकारी दिएका छन् । शल्यक्रियापछि उनको अवस्था सामान्य भइसकेको थापाले जानकारी दिएका छन् ।
