नेविसंघका दुई पक्षबीच सानेपामा झडप
काठमाडौँ । कांग्रेस केन्द्रीय कार्यालय सानेपामा नेपाल विद्यार्थी संघका दुई पक्षबीच झडप भएको छ । सभापति शेरबहादुर देउवा पार्टी कार्यालय पुग्दा विधान अनुरुप नेविसंघको तदर्थ समिति बनाउन माग गर्दै अनशन बसेका विद्यार्थीहरुले रोक्न खोजेपछि झडप भएको हो ।
पार्टीको केन्द्रीय कार्यसमिति बैठकमा भाग लिन सभापति देउवा पार्टी कार्यालय पुगेलगत्तै दुई पक्षबी झडप भएको थियो । झडपमा परी दुई विद्यार्थी घाइते भएका छन् ।
कांग्रेस नेता कृष्णप्रसाद सिटौला समूहका विद्यार्थीहरु विधान अनुरुप तदर्थ समिति गठन गर्न माग गर्दै ४० दिनदेखि रिले अनशन बसेका थिए । त्यस्तै, सोमबारदेखि निवर्तमान केन्द्रीय सदस्य नवराज त्रिपाठी आमरण अनशन बसेका छन् ।