स्वतन्त्रतामा संकुचन ल्याउन सरकारले सूचना प्रविधि विधेयक ल्याएको खड्काको आरोप
काठमाडौ । राष्ट्रिय प्रजातन्त्र पार्टीका केन्द्रीय सदस्य तथा प्रवास विभाग प्रमुख विजय खड्काले सरकारले ल्याउन लागेको सूचना प्रविधि विधेयक तुरून्त खारेज हुनुपर्ने बताएका छन् ।
परिवर्तनशील सहकारी संस्थाको सातौं वार्षिक साधरण सभालाई सम्बोधन गर्दै खड्काले सूचना प्रविधि विधेयकले मानव स्वतन्त्रतामा संकुचन ल्याउन सरकारले यो विधेयक ल्याएको आरोप लगाए । २१ औं शताब्दीमा मानवीय स्वतन्त्रता, मूल्य र मान्यता सवैभन्दा वहुमूल्य भएको भन्दै उनले विधेयकलाई विरोधी तह लाउन हतियार नवनाउन सरकारसँग आग्रह गरे ।
दुई तिहाइको कम्युनिस्ट सरकारले मुलुकको आर्थिक गतिविधि शून्यमा झारेको , व्यापारीलाई आर्थिक कठिनाईमा पारेको तथा मुलुकको आर्थिक अवस्था रेमिट्यान्सको भरमा रहनु गलत भएको वताए ।
कार्यक्रममा नेपाल उद्योग वाणिज्य महासंघका केन्द्रीय सदस्य तथा वचत तथा ऋण सहकारी संघका पूर्वकेन्द्रीय अध्यक्ष डिबी वस्नेत, नेकपाका केन्द्रीय सदस्य गंगा कार्की लगायतले आफ्नो धारणा राखेका थिए ।
