सरकारबाट बाहिरिने समाजवादी पार्टीको निर्णय
काठमाडौँ । समाजवादी पार्टी सरकारबाट बाहिरिने भएको छ । मंगलबार बसेको पार्टी पदाधिकारी बैठकले सरकारबाट बाहिरिने निर्णय गरेको हो । समाजवादीका अध्यक्ष उपेन्द्र यादव नेकपा नेतृत्व सरकारमा उपप्रधानमन्त्री एवं कानुनमन्त्री छन्। मोहम्मद इश्तियाक राई समाजवादी पार्टीबाटशहरी विकासमन्त्री छन् ।
पदाधिकारी बैठकले उपप्रधानमन्त्री यादव र मन्त्री राइले आजै राजीनामा दिने निर्णय गरेको हो। पार्टीले सरकारलाई दिएको समर्थन फिर्ता लिने वा नलिने भन्नेबारे भने बुधबार निर्णय गरिने भएको छ ।
सोमबार बसेको मन्त्रिपरिषद्को बैठकमा समाजवादीको संविधान संशोधनको प्रस्ताव प्रधानमन्त्रीले अस्वीकार गरेका थिए ।
