चिनियाँ राजदूत यान्छीको ट्वीटलाई रिट्वीट गरे निःशुल्क टिकट
काठमाडौं । नेपालका लागि चिनियाँ राजदूत होउ यान्छीको ट्वीटलाई रिट्वीट र कमेन्ट गरे चिनियाँ चलचित्र महोत्सवको टिकट पाइने भइएको छ । राजदूत होउले मंगलबार बिहान चिनियाँ चलचित्र महोत्सवको पोस्टरसहित ट्वीट गरेकी छिन् ।
जसमा उनले उक्त ट्वीटलाई रिट्वीट गर्ने, कमेन्ट गर्ने मध्येबाट ५ जनालाई चिनियाँ चलचित्र महोत्सवको २–२ वटा टिकट दिने घोषणा गरेकी छन् । यसका लागि उनले २६ डिसेम्बर राति १२ बजेसम्मको समय दिएकी छिन् । २७ डिसेम्बरमा काठमाडौंबाट सुरु हुने चिनियाँ चलचित्र महोत्सव काठमाडौं, पोखरा , लुम्बिनीमा गरी ८ जनवरीसम्म चल्नेछ।