के निर्णय गर्ला नेकपाको सचिवालय बैठकले ?
काठमाडौं । नेपाल कम्युनिस्ट पार्टीको सचिवालय बैठक बसिरहेको छ । प्रधानमन्त्री निवास बालुवाटारमा जारी बैठकमा समसामयिक राजनीतिक विषयमा छलफल हुनेछ ।
बैठकमा मन्त्रिपरिषद् हेरफेर, नेकपाको कार्यकारी अध्यक्ष, प्रधानमन्त्रीको स्वास्थ्यको विषयमा बैठकमा छलफल हुने बताइएको छ । नियमित डायलासिस गर्नुपर्ने र त्यसपछि आराम चाहिने हुँदा प्रधानमन्त्री ओली पार्टीको कार्यकारी जिम्मा अर्का अध्यक्ष पुष्पकमल दाहाल ‘प्रचण्ड’लाई दिने तयारीमा छन् ।
प्रधानमन्त्री ओलीले उपप्रधान एवम् रक्षामन्त्री ईश्वर पोखरेललाई कार्यबाहक प्रधानमन्त्रीको जिम्मेवारी दिनेसम्मका विषयमा छलफल गरिरहेका छन् ।