स्वतन्त्र नागरिक समाजले ७२ घण्टे सत्याग्रह गर्ने
काठमाडौं । स्वतन्त्र नागरिक समाजले मंसिर एक गते ७२ घण्टे सत्याग्रह गर्ने भएको छ । समाजका संयोजक हेमविक्रम सिलवालले हिन्दू राष्ट पुनस्र्थापना र राजसंस्था पुनस्र्थापनाका लागि रत्नपार्कको शान्ति बाटिकामा सत्याग्रह गर्न लागेको जानकारी दिएका छन् ।
सत्याग्रह मंसिर १ गते बिहान ९ बजेदेखि मंसिर ४ गते बिहान ९ बजेसम्म चल्नेछ । उनले भनेका छन्,‘सम्पूर्ण देशभक्त सनातन ओमकार परिवार लगायत नेपाल देशको पहिचान, हिन्दूअधिराज्य, र यसको संरक्षक शाहवंशीय राजसंस्था पुनःस्थापना गर्नुपर्छ भन्ने सम्पुर्ण देशभक्त, रास्ट्रवादी प्राध्यापक, वकिल, बुद्धिजीवी, पत्रकार, विद्यार्थी, संघसंस्था लगायत आमनेपाली दाजुभाइ दिदीबहिनीहरुलाई हार्दिक आव्हान गर्दछु।’