प्रदेश प्रमुख परिवर्तन गरी सरकारले गलत काम गर्योः लोहनी
काठमाडौं । एक महिना लामो संयुक्तराज्य अमेरिकाको भ्रमण सकेर राष्ट्रिय प्रजातन्त्र पार्टी संयुक्तका अध्यक्ष डा प्रकाशचन्द्र लोहनी शुक्रबार स्वदेश फर्केका छन् ।
स्वदेश फर्केपछि त्रिभुवन अन्तर्राष्ट्रिय विमानस्थलमा सञ्चारकर्मीहरुसँग कुरा गर्दै अध्यक्ष लोहनीले अनावश्यक रुपमा प्रदेश प्रमुख परिवर्तन गरेर सरकारले दम्भ देखाएको बताए ।
सरकार कानुनी राज्य कायम गराउन असफल भएको भन्दै दण्डहीनता वढदै जानु चिन्ताको विषय भएको उनले बताए ।
अर्को प्रसंगमा उनले मंसिर १४ मा हुने उपचुनावमा आफूहरुले सवै रिक्त स्थानमा उमेदवारी दिनुका साथै कार्तिक २८ देखि मंसिर४ सम्म जनकपुर लुम्बिनी धार्मिक यात्रालाई सफल वनाउन सवैमा अनुरोध गरे ।