भौतिक पूर्वाधारको क्षेत्रमा भएको नतिजा तीन वर्ष अगाडि अपेक्षा गर्न गाह्रो हुन्छः सभापति लामिछाने

काठमाडौं । राष्ट्रिय स्वतन्त्र पार्टीका सभापति रवि लामिछानेले सरकारको एकसय दिन नागरिकलाaaई सम्बोधन गर्ने र सुशासनको सुरुवात गर्ने सवालमा सफल भएको बताएका छन् ।

शुक्रबार पार्टीको अभिमुखीकरण कार्यक्रमपछि पत्रकारहरुसँग कुरा गर्दै सभपति लामिछानेले सरकारको १०० दिन सुशासनमा केन्द्रित भएको बताएका हुन् । उनले आएका सुझावको आधारमा केही कमीकमजोरी रहेछ भने सच्चाएर अघि बढ्ने बताए ।

उनले भने, ‘तत्काल देखिने नतिजाहरूमा पनि काम निरन्तर भएकै छ। सुशासन सरकारको अहिलेको प्राथमिकता हो। जहाँ नागरिकको भिड हुन्छ, जहाँ आम नागरिकले सेवा प्राप्त गर्ने हुन्छ, तिनलाई डिजिटल, तिनलाई होम डेलिभरी अथवा तिनलाई कम झन्झटिलो बनाउने क्रमको सुरुवात भएको छ।’

उनले विकास निर्माणका कामको नतिजा हेर्न समय लाग्ने बताए । उनले भने, ‘तुलनात्मविकाक रूपमा विकास निर्माणमा आज गरिएका कामहरू अलि पछाडि देखिँदै आउँछ । भौतिक पूर्वाधारको क्षेत्रमा हामीले तीन वर्षको प्याकेज बनाएर काम गरेका छौँ । जसको नतिजा तीन वर्ष अगाडि अपेक्षा गर्न अलि गाह्रो हुनसक्छ र यद्यपि तत्काल देखिने कामहरू पनि निरन्तर भइरहेको छ ।’