काठमाडौँ । समाज कल्याण परिषदले काठमाडौँको भृकुटीमण्डपमा भाडा नतिर्ने २० वटा विभिन्न सङ्घ संस्थाको कार्यालयमा तालाबन्दी गरेको छ । वर्षौँसम्म भाडा नतिर्ने व्यक्तिका पसल र संस्थाका कार्यालयमा सोमबार ताला लगाइएको हो ।
वर्षौँदेखि भाडा नतिर्नेमा रिपोटर्स क्लवदेखि विभिन्न संघ संस्थाका कार्यालय रहेका छन् । भाडा बक्यौता बुझाउनका लागि पटक पटक सूचना जारी गर्दा समेत तिर्न अटेर गरेकाले ताला लगाइएको परिषद्ले जनाएको छ ।
परिषदले रिपोटर्स क्लव, काठमाडौं पुस्तकालय, फोटो पत्रकार महासंघ, अपाङ्ग महासंघ लगायत २० वटा संघ संस्थाका कार्यालयमा ताला लगाएको छ । परिषद्का सदस्य सचिव सरोज कुमार शर्माले उनीहरुबाट १० करोड भन्दा बढी भाडा उठ्न बाँकी रहेको जानकारी दिएका छन् ।
प्रतिक्रिया