अर्घाखाँचीमा तीन जना चढेको मोटरसाइकल दुर्घटनामा दुई जनाको मृत्यु

अर्घाखाँची । अर्घाखाँचीको दुर्गाफाँटमा सोमबार साँझ भएको मोटरसाइकल दुर्घटनामा दुई जनाको मृत्यु भएको छभने एक जना घाइते भएका छन् ।

पाणीनी गाउँपालिका–३ दुर्गाफाँटमा साँझ निगालीबाट दुर्गाफाँटतर्फ आइरहेको ना३६प ३५०९ नम्बरको मोटरसाइकल दुर्घटना भएको हो ।

दुर्घटनामा मोटरसाइकल चालक पाणिनी –४ निगालीका १८ वर्षीय गौतम विक र सोही मोटरसाइकलमा सवार २४ वर्षीय सागर विकको मृत्यु भएको जिल्ला प्रहरी कार्यालयका प्रमुख दिवस जिसीले जानकारी दिएका छन् । सोही मोटरसाइकलमा पछाडि सवार २५ वर्षीय सन्तोष घर्तीलाई थप उपचारका लागि पाल्पा लगिएको छ ।