सरुवा भएको ठाउँमा जान अटेर गर्ने कर्मचारीलाई २४ घण्टाभित्र हाजिर हुन गृह मन्त्रालयको निर्देशन

काठमाडौं । गृह मन्त्रालयले सरुवा तथा पदस्थापना भई सम्बन्धित कार्यालयमा हाजिर हुन नगएका कर्मचारीलाई २४ घण्टाभित्र खटाइएको स्थानमा हाजिर हुन जान निर्देशन दिएको छ ।

गृहले शुक्रबार सूचना जारी गर्दै सरुवा/पदस्थापना भएका ठाउँमा नजाने २३ जना कर्मचारीलाई २४ घण्टाभित्र खटाइएको स्थानमा हाजिर हुन जान निर्देशन दिएको हो ।

गृहको विभिन्न मितिको निर्णयअनुसार सरुवा/पदस्थापना भई सम्बन्धित कार्यालयमा हाजिर हुन नजानेमा १८ जना शाखा अधिकृत र ५ जना नायबसुब्बा छन् । ०८२ असार १६ गतेदेखि साउन ७ गतेसम्मको अवधिमा उनीहरूलाई विभिन्न स्थानमा सरुवा गरिएको थियो ।